My Diary (Khat)

Aj ki subah kuch alag thi , roz ki tarah soke uthi aur ankhen meechte hue phone hath main liya , jaise hi internet on kiya kuch notifications aaye . Kuch 13 whatsapp msgs kuch company  offers wale msgs , gaana .com ke nay releases aur ek E-Mail , saare notifications to normal the kyuki roz hi ate the lekin aj jo naya tha vo thi E-mail , jo ki meri personal email id pe aai thi jiska use main bahut kam karti hu  bahut kam log hai jinhe meri personal email id pata hai aur uspe mails na ke barabar hi ati hai  phir aj ye mail kiski vo bhi kuch attachment ke saath ??, maine apne mail box ko open kiya ye janne ke liye ki vo mail kiski hai , aur bina mail khole maine bhejne vaale ka naam padha aur uska naam padhke na jaane kyu meri ankhon se ansu chalak aaye aur kahi kho gai main….

Mail us insaan ki thi jise abhi kuch hi din pehle maine apni zindagi se , dil se alag to kar diya tha lekin uski yaadon se ab bhi jhoojh rahi thi Mail tha mirza ka mera vo dost jo kuch hi palon mere mere liye ajnabi ban chuka tha , ha uska asli naam kuch aur hai lekin fact ye hai ki maine use kabhi uske naam se bulaya hi nahi jab jan pehchan hue to use uske surname se bulati thi aur uske bad uske itne naam rakh diye ki kabhi uske asli naam se bulana hi nai pada jadatar  mirza ke naam se bulati thi kyuki kehne ko vo hindu tha but use muslim naam bahut pasand the to kabhi mirza, to akbar nai to raanjha yahi naam diye the use . Mail khola nai tha abtak lekin man may aye savaalon ke  samandar may doob rahi thi kehne ko sirf dost tha mera lekin vo dosti bhi alag thi aur vo dost bhi alag tha , bar bar soch rahi thi mail kholu ya na kholu padhu ya na padhu aisa lag rha tha jaise ek khat mere hathon main hai aur khulne ki gujaarish kar raha hai , yaaden meri ankhon se ashk ban ke beh rahi thi aur maine email delete kar diya , ha delete kar diya bina padhe , mujhe nai pata usme kya tha  shayad main padhna chahti thi lekin kuch tha jisne mujhe rok liya . Pura din beet gaya lekin ab bhi kahi na kahi mere dimag may yahi hai ki kya tha us mail may , ek bar man kiya ki trash folder may jake phir se use khol ke padhu lekin pata nai kyu ye sirf khayal banke hi reh jata hai . samajh nai aa raha , aisa lag rha hai aj phir se mere dil aur dimag ki takrar ho gai hai kiski sunu dil ki ya dimag ki , dil kehta hai padhu dimag kehta hai na padhu . muhse aj tak samajh nai aya takrar jab aisi ho to sune kiski .kya karu padhun ya nahi???

Najrein nami ke peeche chipna chahti hai,

Gujarta hua lamha dil ko kos raha hai,

Tanhaai bhi ab ungliyon ka saath chhod rahi hai ,

Andhera bhi dil se muh mod raha hai …..!!

Iraadon ki raah aj phir yaadon ki or hai

Kuch lafson se ankhon ka saamna baaki hai ,

Ungliyan nazron ko bachana chah rahi  hai ,

Lekin shayad bheegi palkon ka udhaar chukana baki hai …..!!!

Kaagaj ki syaahi se dil anjaan hai ,

Jaane kyu phir bhi kuch to baat hai,

Jo is khat pe har aansu kurbaan hai ….!!!

                                              Siya……

 

 

Advertisements

5 thoughts on “My Diary (Khat)

Add yours

  1. It is really interesting to read hindi in English.😂😂.
    I like the way you write your random feelings in hindi but in English.😂😂😂
    Wonderfully penned, Siya.😉

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

Create your website at WordPress.com
Get started
%d bloggers like this: